მეათე Wings for Life World Run-ი: იმედი ძალიან დიდია

Wings for Life World Run-ი 2023 წელს მეათედ გაიმართება. შესანიშნავი შესაძლებლობაა იმისათვის, რომ დავინახოთ, თუ როგორ განვითარდა ზურგის ტვინის კვლევები პირველი ღონისძიებიდან დღემდე.

---

"ჩვენ უკვე მოუთმენლად ველოდებით 2023 წლის 7 მაისს . Wings for Life World Run-ი აღნიშნავს განსაკუთრებულ იუბილეს", ამბობს ანიტა გერჰარდტერი, Wings for Life-ის ფონდის აღმასრულებელი დირექტორი. მთელი მსოფლიოს გარშემო ხალხი უკვე მეათედ ერთიანდება კეთილი მიზნისთვის.

"ეს რბენა განსაკუთრებულია. ყველას შეუძლია მონაწილეობის მიღება და რეგისტრაციის თანხა მთლიანად კეთილი საქმისთვის ირიცხება

მილიონზე მეტი მონაწილე დაიჭირა ფინიშის მანქანამ. ვირტუალური ფინიშის ხაზი, რომელიც ამ რბოლის მთავარი მახასიათებელია, ყველამ გადაკვეთა. რა არის უკეთესი მიზეზი ზურგის ტვინის კვლევაში მიღწეული პროგრესის შესაფასებლად? ანიტა გერჰარდტერი პასუხობს ჩვენს კითხვებს ექიმ  ვერენა მეისთან, Wings for Life-ის სამეცნიერო კოორდინატორთან ერთად.

მოდი დავიწყოთ ფაქტებით. რა თანხა შეაგროვდა Wings for Life World Run-ების მეშვეობით?

დღემდე 38.8  ევრო შეგროვდა და ეს თანხა მთლიანად კვლევებშია ჩადებული. მხოლოდ Wings for Life World Run 2022-ის დამსახურებით 4,7  მილიონი ევრო შეგროვდა, 192 ქვეყნიდან 161,892 ადამიანის მონაწილეობით. როგორც ანიტა გერჰარდტერი ამბობს:

„რაც მეტ თანხას შევაგროვებთ, მით უფრო მეტ კვლევას დავაფინანსებთ და უფრო სწრაფად მივაღწევთ ჩვენს საერთო მიზანს.“

პროექტების დაფინანსებასთან ერთად, ფონდი ავითარებს პროგრამებს, რომლებიც მიზნად ისახავს კვლევის პროცესის დაჩქარებას. მაგალითად დაჩქარებული მთარგმნელობითი პროგრამა - ATP. ეს ხელს უწყობს პრეკლინიკური კვლევის პროექტებს კვლევის ეტაპამდე მისასვლელად საჭირო დროის შემცირებას, ანუ დაჩქარდეს მათი რეალურად ტესტირების შესაძლებლობა ადამიანებზე. პროგრამა მკვლევარებს არა მხოლოდ თანხით აფინანსებს, არამედ ხელმისაწვდომს უხდის მათ ახალი ცოდნის შეძენას და ექსპერტთა საერთაშორისო ქსელს.

რამდენი კვლევითი პროექტი დააფინანსა Wings for Life-ის ფონდმა დღემდე?

მკაცრი შერჩევის პროცედურების გავლის შემდეგ, ამ დროისთვის სულ 276 სხვადასხვა პროექტია დაფინანსებული. ექიმი  ვერენა მეი განმარტავს: „ამჟამად მსოფლიოში 74 კვლევითი პროექტია, მათ შორის 16-ია ისეთი, რომლებიც 2022 წლიდან დაიწყო. ისინი ძირითადად ფოკუსირებულია რეგენერაციაზე, რეკონსტრუქციასა და მეორად დაზიანებაზე.“

შეიცვალა თუ არა კვლევითი პროექტების წარმართვის პროცესი დროთა განმავლობაში?

2004 წელს დიტრიხ მატეშიციმა და ჰაინც კინიგადნერსმა შექმენს ფონდი Wings for Life-ი. თავიდან პროექტების მხოლოდ მცირე ნაწილი იყო ფოკუსირებული კვლევებზე და, შესაბამისად, ფონდი ძალიან მცირე დაფინანსებას იღებდა. „ეს ძირითადი კვლევა ჯერ კიდევ ძალიან მნიშვნელოვანია“, ამბობს ექიმი  ვერენა მეი. „ჩვენ უკვე შევძელით, რომ დავხმარებოდით რამდენიმე პროექტს წინსვლაში პრეკლინიკური კვლევის ეტაპიდან კლინიკურ კვლევებამდე გადასვლაში, პაციენტების ჩართულობით. ეს არის გასაოცარი - და მნიშვნელოვანი ნაბიჯი.”

როგორ განვითარდა Wings for Life-ის ფონდი ბოლო წლების განმავლობაში?

ანიტა გერჰარდტერი: "ჩვენ გავიზარდეთ სხვადასხვა მიმართულებით." ორგანიზაციის თანამშრომლების რაოდენობა ახლა გაიზარდა დაახლოებით 30-ით, არა მხოლოდ მის სათაო ოფისში, ზალცბურგში (ავსტრია), არამედ დიდ ბრიტანეთში და აშშ-ში. გარდა ამისა, ფონდი რეგულარულად ურთიერთობს მთელი მსოფლიოს ექსპერტებთან. ამჟამად ის აფინანსებს პროექტებს ათზე მეტ ქვეყანაში, ოთხ კონტინენტზე. კვლევების დასრულების შემდეგ, ეს პროექტები გამოაქვეყნებენ თავიანთ დასკვნებს სპეციალურ ჟურნალებში, რათა ისინი ხელმისაწვდომი გახადონ მომავალი მკვლევრებისთვის.

რა არის ყველაზე საინტერესო შედეგი ამჟამად?

Wings for Life-ის დაფინანსების წყალობით, მკვლევარებს მთელ მსოფლიოში ამჟამად შესაძლებლობა აქვთ იბრძოლონ პრობლემასთან სხვადასხვა გზით. მაგალითად, პროფესორი მაიკლ კილგარდი, ტეხასის უნივერსიტეტიდან, მუშაობს კონკრეტული ნერვის სტიმულაციაზე, რაც საშუალებას მისცემს ადამიანებს, რომლებსაც ზურგის ტვინის დაზიანება აქვთ, ხელახლა აამოძრაონ ხელები. ხელები. ასევეა გრეგუარ კორტინი, შვეიცარიიდან (EPFL), რომელმაც გამოიყენა ელექტროსტიმულაცია და შესაძლებლობა მისცა ზურგის ტვინის ტრავმის მქონე ადამიანებს რომ, კვლავ გაევლოთ რამდენიმე ნაბიჯით. კიდევ არსებობს ერთი ძირითადი კვლევა, რომელსაც ამჟამად პროფესორი სტივენ სტრიტმატერი უძღვება. ეს არის ოჰაიოს სახელმწიფო უნივერსიტეტში ჩატარებული კვლევა, "Nogo ხაფანგი", რომელიც საშუალებას აძლევს სხეულს აღიდგინოს მოწყვეტილი ნერვული ბოჭკოები და აამუშაოს ნერვული ქსელი.

ყველა ეს მკვლევარი წელიწადში ერთხელ იკრიბება Wings for Life-ის მიერ ორგანიზებულ სამეცნიერო შეხვედრაზე. რატომ?

მკვლევარები მთელი მსოფლიოდან ყოველ გაზაფხულს ჩადიან ზალცბურგში თავიანთი მიმდინარე პროექტების წარსადგენად და ერთმანეთთან საკომუნიკაციოდ. ეს შეხვედრა ასევე გაიმართა COVID-19-ის პანდემიის დროს - სპეციალურად ამ მიზნით შექმნილი ვირტუალური პლატფორმის მეშვეობით. ექიმი  ვერენა მეი: „ჩვენ ვნახეთ ინოვაციური საბაზისო კვლევები, მომხიბლავი მიდგომები, რომლებიც კლინიკური კვლევების სწორ გზას ადგანან და ასევე ვნახეთ არაერთი კვლევა, რომელიც უკვე ცდის ახალ მიდგომებს ადამიანებზე. ამ კვლევებით დაფარული ფართო მასშტაბი შთამბეჭდავია."

ვართ თუ არა უფრო ახლოს ზურგის ტვინის დაზიანების განკურნების პოვნასთან 2014 წელთან შედარებით?

ანიტა გერჰარდტერი: ”დიახ, აბსოლუტურად. მაგრამ დაზუსტებით ვერავინ იტყვის, რა ვადებზე გვაქვს საუბარი. მიუხედავად იმისა, რომ ვერასოდეს შეიქმნება სასწაულმოქმედი აბი, რომელიც განკურნავს ყველა შემთხვევას, მკვლევარებმა უკვე დიდ პროგრესს მიაღწიეს ბოლო რამდენიმე წლის განმავლობაში. მოხდა ძალიან ბევრი საინტერესო მოვლენა და განვითარებისკენ გადაიდგა ახალი ნაბიჯები. გარკვეული პერიოდის შემდეგ, უკვე აღარ ისმის კითხვა, იქნება თუ არა ოდესმე განკურნების გზა, არამედ ვკითხულობთ, თუ როდის იქნება ეს. Wings for Life World Run-ი აქ მთავარ როლს ასრულებს, როგორც ღირებული შემოწირულებების, ასევე ხალხში ცნობიერების ამაღლებით."

შემოუერთდი ათასობით ადამიანს  მთელი მსოფლიოს გარშემო 7 მაისს, ერთსა და იმავე დროს, Wings For Life World Run-ის მეათე იუბილეზე. ჩვენ დავრბივართ კეთილი მიზნისთვის.

დარეგისტრირდი ახლავე და მიიღე მონაწილეობა სადაც არ უნდა იყო!

თუ აპლიკაციით რბენაზე დარეგისტრირდები იანვრის  27 რიცხვიდან თებერვლის  14-მდე, Philips-ი გაგიხალისებს რბენას და გაჩუებს დამატებით რეგისტრაციას, იმისათვის, რომ მეგობარი მოიყვანო Wings for Life World Run-ზე. ასევე, ორი ახალი Philips-ის ყურსასმენის ვაუჩერს, რომლითაც შენ შეძლებ ისინი ნახევარ ფასად* შეიძინო!

*ეს შეთავაზება მოქმედებს მხოლოდ ევროპაში