იხილეთ კვლევასთან დაკავშირებული მნიშვნელოვანი მონაცემები 2019 წლისათვის

საბოლოო შედეგები ცნობილია და საკმაოდ ამაღელვებლად გამოიყურება. Wings for Life-ის მხარდამჭერთა დიდსულოვნების დამსახურებით - მათ შორის იმ 120 000-ზე მეტი ადამიანის, ვინც Wings for Life-ის მეექვსე ყოველწლიურ მსოფლიო რბენაში მიიღო მონაწილეობა - საერთაშორისო მკვლევრები აქტიურად მუშაობენ, რათა მიაგნონ ზურგის ტვინის ტრავმის განკურნების გზებს.

2004 წლიდან მოყოლებული, Wings for Life აფინანსებს ადამიანების ცხოვრებაზე პოტენციურად გადამწყვეტი გავლენის მქონე კვლევას, ხოლო Wings for Life World Run-ის რეგისტრაციის საფასურიდან და შემოწირულობებიდან შესული თანხის 100% ხმარდება ფონდის მიერ შერჩეულ უახლეს პროექტებს. შერჩევის რთული და დახვეწილი პროცესის შედეგად, ახალი, იმედისმომცემი პროექტები და კლინიკური ცდები დაემატა უკვე მიმდინარე მნიშვნელოვან სამუშაოებს. 2019 წლის მონაცემები აჩვენებს, რომ Wings for Life ამჟამად 63 პროექტს აფინანსებს 15 ქვეყანაში, ავსტრალიიდან მოყოლებული ურუგვაიმდე. მათ შორის, პროექტების 33%-მა უკვე მიაღწია სატესტო თერაპიისა და წამლებით მკურნალობის მოწინავე ეტაპს და რამდენიმე გარღვევაც უკვე მომხდარია.

იხილეთ იმედის მომცემი ფაქტები და რიცხვები ქვემოთ და ეწვიეთ Wings for Life-ის კვლევით გვერდს, რათა შეიტყოთ მეტი წამყვან ინსტიტუციებში, მათ შორის ჰარვარდში, იელში, შარიტე ბერლინსა და ა.შ. მიღწეულ პროგრესზე.

დაბოლოს, ხელი შეუწყვეთ კვლევების გაგრძელებას და დარეგისტრირდით 2020 წლის 3 მაისის ღონისძიებაზე.