100 კილომეტრზე რბენაში ფლორიან ნოიშვანდერი ახალ რეკორდს ამყარებს

Wings for life World run-ის ელჩი უკვე იღებს მილოცვებს სახლის პირობებში, სარბენ ბილიკზე, მიღწეული უნიკალური სპორტული წარმატებისთვის, ფლორიან ნოიშვანდერი ერთადერთი ადამიანია, რომელმაც სპორტულ ბილიკზე 100 კილომეტრიანი დისტანცია ყოველგვარი დაბრკოლების გარეშე დაფარა.

ყველას, ვისაც ერთხელ მაინც უნახავს Wings for life World Run კარგად ემახსოვრება გერმანელი სპორტსმენი, თავისი დამახასიათებელი ულვაშით, ამიტომ, სავარაუდოდ, უმეტესობას არც გაკვირვებია, რომ 50 კილომეტრიანი ბარიერის შემდეგ, ფლო არ გაჩერდებოდა და 11 თვის თავზე ახალ რეკორდს შემატებდა საკუთარ კოლექციას. გერმანელმა სპორტსმენმა არაოფიციალური მონაცემებით 100 კილომეტრის დაფარვა 6 საათში 26 წუთსა და 14 წამში მოახერხა, რაც 13 წუთით აუმჯობესებდა მისი წინამორბედის მიღწევას.

ყველაფერი 30 იანვარს ბავარიის ერთ პატარა სპორტულ დარბაზში მოხდა. ფლოს პირველი ნაბიჯებიდანვე მაყურებელს შეეძლო მისი წარმატების პირდაპირი ტრანსლაციის რეჟიმში ყურება, ასევე, ზოგიერთი მათგანი ფლოსთან ერთად, Zwift-ის ვირტუალური პლატფორმის დახმარებით, ცდილობდა გერმანელის მიერ არჩეული გზის გავლას

ივენთის მსვლელობისას ფლოს გამხნევებას მრავალი სხვა ცნობილი ათლეტი ცდილობდა, პატრიკ ლანჟი რამდენიმე კილომეტრის განმალობაში საკუთარი ველოსიპედით უწევდა სპორტსმენს პარტნიორობას, სებასტიან კიენლე და რეკორდსმენი მორბენალი კოკო კლოსტერჰალფენი კი, ვიდეო შეტყობინებების გზით ახერხებდნენ ფლოს გამხნევებას.

,,გამხნევებისა და გვერდზე დგომის გარეშე, 100 კილომეტრს ვერ ვირბენდი. წარმოუდგენელი იქნებოდა გამხნევების გარეშე მარტო სირბილი.“- ამბობს ფლო.

ფლოს მცდელობას მსოფლიოს მასშტაბით 5000 ადამიანი ადევნებდა თვალს, ფლომ შემდგომ კიდევ ერთხელ აღნიშნა, რომ ონლაინ მხარდაჭერამ გადამწყვეტი როლი ითამაშა მის წარმატებაში.

100 კილომეტრი სამ სტადიად: მარტივი, რთული, შვებისმომგვრელი

,,პირველი 50 კილომეტრი შედარებით მარტივი იყო, ყველაზე საინტერესო მე-60 კილომეტრიდან დაიწყო, იმის გათვალისწინებით, რომ წარსულში ამხელა სიჩქარით მსგავსი ტიპის მანძილის დაფარვის გამოცდილება საერთოდ არ მქონდა“.

70 კილომეტრიან ნიშნულამდე ფლო თავს შესანიშნავად გრძნობდა, თუმცა 70-85 კილომეტრამდე საქმე ბევრად გართულდა, ამ მომენტში მას ყველაზე მეტად დასჭირდა მენტალური სიძლიერე.

ყველაზე სწრაფად ფლომ ბოლო კილომეტრის დაფარვა შეძლო. მას ამისთვის 3 წუთი და 20 წამი დასჭირდა. ,, ბოლო კილომეტრი სრულიად ჩემს მხარდამჭერებს ეკუთვნით.“- თქვა რბენის დასასრულს გერმანელმა

,,ნორმალური სიჩქარე“= ახალი მსოფლიო რეკორდი

საშუალოდ, ფლოს კილომეტრის დასაფარად 3 წუთი და 52 წამი სჭირდებოდა.

უბრალო მაყურებლისთვის ფლოს მიერ განვითარებული სისწრაფე საკვირველი მოვლენა იყო, თუმცა თავად სპორტსმენმა აღნიშნა, რომ ეს მისთვის სავსებით ნაცნობი მდგომარეობა და აჩქარება იყო, ფლო აქვე აღნიშნავს, რომ მაღალი სიჩქარის ბალანსირებულად დაჭერა მისთვის საკმაოდ დამღლელი აღმოჩნდა, თუმცა გულშემატკივრებმა აქაც შეძლეს ათლეტის მდგომარეობის ერთ-ორად შემსუბუქება.

გინესის მსოფლიო რეკორდების ორგანიზაციამ გარკვეული შეზღუდვების დარღვევის (ძირითადად ჰიგიენური ტიპის) გამო ფლოს აღნიშნული რეკორდი ოფიციალურად არ ჩაუთვალა, თუმცა ფლო მაინც კმაყოფილია თავისი შედეგით და ამბობს, რომ მსგავსი ტიპის მიღწევა ყოველთვის სასიამოვნოა, თუნდაც ეს არაოფიციალური ხასიათის იყოს.

შემდეგი გაჩერება: Wings for life World run

ფლოს შემდეგი სპორტული მიზანი არის სირბილი მათთვის, ვინც მოუთმენლად ელის ზურგის ტვინის დაზიანების განკურნებას.

„მე მზად ვარ შემდეგი გრძელი რბენისთვის, რომელიც Wing for life World Run-ის მობილური აპლიკაციის დამხარებით 9 მაისს გაიმართება.“

ფლო ყველას მოუწოდებს შეუერთდეს მის გუნდს ,,ირბინე ფლოსთან ერთად“, რათა ეს გამოცდილება ორმაგად სასიამოვნო გახდეს.

არ აქვს მნიშვნელობა შენ გუნდთან ერთად ჩაერთვები ღონისძიებაში თუ მარტო, შენ მაინც იქნები იმ მსოფლიოს ნაწილი, რომელიც სირბილს ზუსტად ერთსა და იმავე დროს ერთად დაიწყებს და რაც ყველაზე მნიშვნელოვანია, შენ მიერ გადახდილი მონაწილეობის საფასური მთლიანად გადაირიცხება ფონდში, ზურგის ტვინის დაზიანების განკურნების გზების საძიებლად.

შემოუერთდი ფლოს და Wings for Life World Run-ის საზოგადოებას

გადმოწერე აპლიკაცია IOS / Android.