4.7 მილიონი ევრო ზურგის ტვინის დაზიანების განკურნებისთვის
იგრძენი? 8 მაისს მთელი მსოფლიო ერთდროულად ამოძრავდა. 161 892 მონაწილე 165 ქვეყნიდან მეცხრე Wings for Life World Run-ს შეუერთდა და ერთად, ზურგის ტვინის კვლევებისთვის, 4.7 მილიონი ევროს შეგროვება შეძლო.
„როცა უამრავი ადამიანი ერთი საქმისთვის ერთიანდება, შესანიშნავი რაღაც ხდება“- ამბობს Wings for Life -ის აღმასრულებელი დირექტორი ანიტა გერტჰარდერი. „მადლიერი ვარ ყველა იმ მონაწილის, ვინც დღეს შემოგვიერთდა. წინა წლებში ზურგის ტვინის დაზიანების განკურნების გზების ძიებაში ერთი ნაბიჯით წინ წავიწიეთ და ისევ, დიდი მადლობა მონაწილეებს, ისინი ბრწყინვალე მეცნიერებს ეხმარებიან.“
ფონდი Wings for Life აფინანსებს ისეთ იმედის მომცემ კლინიკურ კვლევას როგორიცაა STIMO (Stimulation Movement Overground). კვლევაში მონაწილე ორმა პაციენტმა, დეივიდ მზიმ (შვეიცარია) და მიშელ როკატიმ (იტალია), მსოფლიო რბენაში მონაწილეობა ეტლის გარეშე შეძლო.
მეორე, მნიშვნელოვანი კვლევა RESET-ის სახელით ამერიკაში მიმდინარეობს და ის ფონდისგან 7 მილიონით დაფინანსდა. კვლინიკური სწავლების თემაა დაზიანებული ნერვული უჯრედების გაზრდა და აღდგენა ისეთ პაციენტებში, რომლებსაც ზურგის ტვინის დაზიანება დიდი ხანია აქვთ.
საერთო სტარტის ერთ-ერთი მომნუსხველი ნაწილი ამინდია. რბენის ამინდის პროგნოზის ოფიციალური მხარდამჭერის UBIMET-ის მიხედვით, სტარტის დროს ყველაზე მეტად ცხელოდა ინდოეთში (42C / 108F), ყველაზე ცივი დღე კი გრენლანდიაში (-8C / 18F) ჰქონდათ. სწორედ ეს არის მსოფლიო რბენის უპირატესობაც: ამინდი, ადგილი და პირადი მიზანი გადამწყვეტი არ არის. მთავარია, რომ მორბენლები დიდი მიზნის და განსაკუთრებული დღის ნაწილი არიან.
რბენის სპორტული ნაწილიც საინტერესოა: ღონისძიების ისტორიაში ყველაზე მეტი გამარჯვება ნინა ზარინამ მოიპოვა. კალიფორნიაში, სანტა მონიკაში აპლიკაციით მან 56კმ ირბინა და მეოთხედ გახდა მსოფლიო რბენის გამარჯვებული. პირველი საერთაშორისო გამარჯვება იაპონელმა ჯო ფუკუდამ მოიპოვა.
2022 წლის მონაწილეებმა ერთად 1,906,835,304 ნაბიჯი გადადგეს, სანამ ფინიშის მანქანა გაასწრებდათ, თითო მათგანმა კი საშუალოდ, 11.9 კმ ირბინა.
მსოფლიო რბენის მეათე, საიუბილეო რბენა 2023 წლის 7 მაისს გაიმართება. რეგისტრაცია უკვე დაიწყო.
გაგვიზიარე 8 მაისის ემოციები და კადრები შემდეგ სოც. ქსელებში: Instagram, Twitter & Facebook.
რბენის შესახებ ინფორმაციას, შედეგებსა და რეგისტრაციის ბმულს 2023 წლის რბენაზე იპოვით აქ: www.wingsforlifeworldrun.com.
