Wings for Life World Run და SCI საერთაშორისო დღე: ზურგის ტვინის დაზიანების შესახებ ცნობიერების ამაღლება

2023 წლის 7 მაისი განსაკუთრებული იუბილეა. ეს დღე აღვნიშნავს მე-10 Wings for Life World Run-ს, როდესაც ადამიანები მთელი მსოფლიოს გარშემო ერთიანდებიან, რათა ირბინონ მათთვის, ვისაც ეს არ შეუძლია. ამიტომ, გავლენა კიდევ უფრო დიდია. როგორც, ზურგის ტვინის ტრავმის საერთაშორისო დღე (SCI) 5 სექტემბერი , ასევე Wings for Life World Run-იც ცდილობს ზურგის ტვინის დაზიანებისა და ამით გამოწვეული შედეგების შესახებ ცნობიერების ამაღლებას. საბოლოოდ, ეს ხომ უფრო მეტია, ვიდრე მხოლოდ არ შეგეძლოს სიარული.

მიჩი რაიხელტის მიერ

---

პირველი ნაბიჯი გადაიდგა 2014 წლის 5 მაისს - და ამას ჰქონდა ორი სხვადასხვა შედეგი: პირველად ჩატარდა Wings for Life World Run-ი და ასევე ღონისძიებამ შექმნა წარმატებული ისტორიის დასაწყისი ზურგის ტვინის კვლევისთვის. როდესაც მე-10 Wings for Life World Run-ი გაიმართება 2023 წლის 7 მაისს, ჯამში 40 მილიონ ევროზე მეტი იქნება შეგროვებული, რაც Wings for Life-ს საშუალებას მისცემს დააფინანსოს ძირითადი კლინიკური კვლევები. როგორც Wings for Life- ის საერთაშორისო აღმასრულებელი დირექტორი, ანიტა გერჰარდტერი განმარტავს:

„Wings for Life World Run-მა დიდი პროგრესი განიცადა. და მან ასევე შექმნა უზარმაზარი ცნობიერება ყველა იმ ადამიანისთვის, ვისაც ზურგის ტვინის ტრავმით უწევს ცხოვრება. ”

ზურგის ტვინის დაზიანების დღე

პირველი Wings for Life World Run-იდან ორი წლის შემდეგ, ზურგის ტვინის საერთაშორისო საზოგადოებამ (ISCoS) გამოაცხადა 5 სექტემბერი, როგორც დღე, რომელიც ყურადღებას გაამახვილებს ზურგის ტვინის ტრავმის მქონე ადამიანებზე და გაზრდის საზოგადოების ცნობიერებას. ზურგის ტვინის დაზიანების დღე მიისწრაფვის აცნობოს ადამიანებს, რომ ზურგის ტვინის დაზიანება იმაზე მეტს ნიშნავს, ვიდრე მხოლოდ არ შეგეძლოს სიარული. უნდა დავეხმაროთ ზურგის ტვინის დაზიანებულ ადამიანებს, რომ გაუმკლავდნენ ფსიქოლოგიურ, სოციალურ და სამუშაოსთან დაკავშირებულ პრობლემებსაც.

ამრიგად, SCI დღის მიზანია ინკლუზიის, თანაბარი შესაძლებლობებისა და ხელმისაწვდომობის შესახებ ცნობიერების შექმნა და, შესაბამისად, იმედის მიცემა SCI ინდივიდებისთვის, მათი ოჯახის წევრებისა და მეგობრებისთვის.

იმედი აერთიანებს ადამიანებს

სწორედ ეს იმედისმომცემი პერსპექტივა აყალიბებს მჭიდრო კავშირს SCI-ი საერთაშორისო დღესა და Wings for Life-ს შორის. Wings for Life-ის ფონდი მხარს უჭერს უახლესი საერთაშორისო კვლევებს პარაპლეგიის სამკურნალოდ. საჭირო შემოწირულობების მისაღებად Wings for Life World Run-ი ყოველწლიურად ტარდება. ის აღწევს და აკავშირებს ასობით ათას ადამიანს მთელს მსოფლიოში. ვისაც არ შეუძლია მონაწილეობა მიიღოს ოფიციალურ მარშრუტებში: აპლიკაცია საშუალებას აძლევს ჩაერთონ რბენაში მსოფლიოს ნებისმიერი ადგილიდან, სადაც არ უნდა იყვნენ.

Wings for Life World Run-მა ასევე წამოიწყო ყოველწლიური საქველმოქმედო ღონისძიება, რომელიც საშუალებას აძლევს ყველას პირდაპირ მხარი დაუჭიროს ფონდს, რადგან რბენის საფასური მთლიანად გადაეცემა ზურგის ტვინის კვლევას.

დაუვიწყარი მომენტები

ანიტა გერჰარდტერს უყვარს ძველი ღონისძიებების მთავარი მომენტების გახსენება: „გასროლა, რომელიც 2014 წელს პირველი Wings for Life World Run-ისთვის იყო, ნამდვილად ერთ-ერთი მათგანია. 18 თვის განმავლობაში ჩვენ დაუღალავად ვმუშაობდით ხედვის მისაღწევად. ასე რომ, ძალიან ემოციური იყო იმის დანახვა, თუ როგორ შეიკრიბა ათასობით და უფრო მეტი ადამიანი მთელს მსოფლიოში რბენისთვის.” კიდევ ერთი მომენტი 2019 წელს, როდესაც დევიდ მზიმ ინვალიდის ეტლში ჯდომის ნაცვლად, სასტარტო ხაზი მარტომ გაიარა, უამრავ დაუვიწყარ მოგონებებს შორისაა, ამბობს გერჰარდტერი.

„მას ზურგის ტვინის დაზიანება აქვს და ჩვენ მიერ დაფინანსებულმა კვლევამ საშუალება მისცაფეხზე წამომდგარიყო და ისევ გაეარა“

ისევე როგორც SCI დღე, Wings for Life World Run-ი ყოველწლიურად ამაღლებს გლობალურ ცნობიერებას ზურგის ტვინის დაზიანებების შესახებ – რადგან ჩვენ ჯერ კიდევ ძალიან მცირე ვიცით მისი შედეგების შესახებ. ჯერ კიდევ ბევრია სასწავლი. ჩვენ ყველასთვის.

ზურგის ტვინის დაზიანება & Wings for Life World Run- ფაქტები

• მინიმუმ 250 000
  …ჯანდაცვის მსოფლიო ორგანიზაციის თანახმად, ყოველწლიურად ხდება ზურგის ტვინის დამატებითი დაზიანებები, რომლებიც იწვევს დამბლას.
• 2 დან 5-ჯერ
  …არის სიკვდილიანობის რისკის ზრდა ზურგის ტვინის დაზიანების შემდეგ.
• 85%
  …ზურგის ტვინის დაზიანების მქონე ადამიანები, რომლებიც გადარჩნენ პირველი 24 საათის განმავლობაში, ცოცხლები არიან 10 წლის შემდეგ.
• 50%
  …ზურგის ტვინის დაზიანება გამოწვეულია საგზაო შემთხვევებით.
• 24%
  …ზურგის ტვინის დაზიანებები არის გამოწვეული დაცემით.
• მეოთხე ყველაზე გავრცელებული მიზეზი
  …ზურგის ტვინის დაზიანებას, იწვევს ყვინთვის დროს უბედური შემთხვევა
• 161,892
  … მონაწილე 192 ქვეყნიდან.
• 161,892
  … მონაწილე იყო ეტლით მოსარგებლე.
• 5,836
  … ეტლით მოსარგებლე მონაწილემ მონაწილეობა მიიღო წინა 9 მსოფლიო რბენაში.
• 1,086,988
  … მონაწილე 2014 წლის შემდეგ.
• 11.9 კილომეტრი
  … დაიფარა (საშუალოდ) 2022 წლის მონაწილეების მიერ.
• 4.7 მილიონი ევრო
  … შეგროვდა Wings for Life World Run-ის 2022 წლის მონაწილეების მიერ.
• 38.3 მილიონი ევრო
  … შეგროვდა მსოფლიო რბენის მონაწილეების მიერ 2014 წლიდან.