სასიყვარულო ამბები მსოფლიო რბენიდან

კვირას, 5 მაისს, სასიყვარულო ამბებმა რიგით მე-6 Wings for Life World Run ბედნიერებით დამუხტა, რადგან ამ დღეს სამმა წყვილმა იზეიმა ცხოვრების ერთად დაწყება.

მათ თქვეს „თანახმა ვარ“

ჰაერში სიყვარული ტრიალებდა ჯერ კიდევ რბენის დაწყებამდე, რადგან ახლადდაქორწინებული წყვილი, ფაბიან და ვიქტორია ლაუდა ხურდებოდნენ თავიანთი პირველი Wings for Life World Run-თვის ცოლ-ქმრის სტატუსით.

„ეს განსაკუთრებული მოვლენაა ჩვენთვის,“ - აღნიშნა ფაბიანმა. „ვეიკბორდით სრიალის დროს ინციდენტი შემემთხვა, რომლის შემდეგაც ავტოიმუნური დაავადება ჩემს ხერხემალში ნერვულ დაბოლოებებს უტევდა. საბედნიეროდ, მე გამოვჯანმრთელდი და წელს შემიძლია რომ მსოფლიო რბენაში ტკივილისაგან თავისუფალმა მივიღო მონაწილეობა.“

ფაბიანმა და ვიქტორიამ ერთმანეთი 2017 წლის მსოფლიო რბენისთვის მზადებისას გაიცნეს: „ჩემმა საუკეთესო მეგობარმა გამაცნო ვიქტორია, როდესაც ის ცდილობდა, რომ ჩემთან ერთად ერბინა სამთო ბილიკებზე,“ - იხსენებს ფაბიანი, ყოფილი ავტომრბოლელი ავსტრიიდან. თუმცა, მათ უფრო მეტი რამ აკავშირებთ Wings for Life World Run-თან: ახლო მეგობარმა რეინი სამპლმა ვიქტორია ქორწინების სახლში „ფინიშის მანქანით“ მიიყვანა ხელის მოსაწერად. მართლაც ორიგინალური გზაა ქორწინების აღსანიშნავად.  

თავიანთი თანაცხოვრების დასაწყებად, რეი მაიზი და ჯესიკა კათა იმ ადგილას დაბრუნდნენ, სადაც გასულ წელს, მთელი მსოფლიოს წინაშე, რეიმ ჯესიკას ხელის სთხოვა. მაშინ, როდესაც პლანეტის მეორე ბოლოში 120 000-ზე მეტი მორბენალი, მოსიარულე და ეტლით მოსარგებლე მსოფლიო რბენის დასაწყებად ემზადებოდა, სტარტის ხაზთან სანრაიზის მერმა მათი ქორწინება ოფიციალურად გამოაცხადა, თავიანთი უსაყვარლესი მეგობრებისა და ოჯახის წევრების თანდასწრებით.

თავიანთ თემში საკმაოდ აქტიურად ჩართული, შთამაგონებელი წყვილი ერთმანეთს საქველმოქმედო ღონისძიებაზე შეხვდა. ისინი ძალისხმევას არ იშურებენ, რომ ადამიანებს მეტი ცოდნა მისცენ ზურგის ტვინის ტრავმის შესახებ და დატკბნენ იმით, რისი კეთების საშუალებაც აქვთ - და არა იმით, რაც არ აქვთ. თავიანთი ქორწინების Wings for Life World Run-ის მონაწილეთათვის გაზიარებით და თავიანთ გუნდთან,  It’s That Wheel Kind Of Love-თან ერთად ათასობით დოლარის შეგროვებით ისინი აჩვენებენ თუ რამდენად გულუხვები არიან და რამდენად მნიშვნელოვანია მათთვის საზოგადოება, რომელშიც ცხოვრობენ და ზოგადად, ეს მსოფლიო მასშტაბის მოძრაობა.

მან თქვა „დიახ, თანახმა ვარ“

ამასობაში, მიუნხენის ოლიმპიურ პარკთან, გერმანიაში, ჰანეს კლაუსნერმა და კრისტინა ჰუბერმა დაიწყეს სირბილი კრისტინას საყვარელ ღონისძიებაზე. თუმცა, ჰანეს გეგმებმა ეს ღონისძიება კიდევ უფრო განსაკუთრებულად აქცია. მან წინასწარ გააწყო საქმე ისე, რომ ნიშნობის ბეჭედი მე-6 კილომეტრზე ვიდეო-კედელთან ამოიღო, მუხლი მოკეცა და ხელი სთხოვა კრისტინას. თანამრბოლელები ტაშითა და მილოცვებით შეეგებნენ ამ ამბავს, ხოლო კრისტინამ სიხარულის ცრემლები მოიწმინდა. შემდეგ კი, ორივემ ერთად გააგრძელა სირბილი. სიყვარული მართლაც რომ კარგ დროს წამოეწიათ მათ, თუმცა წამოეწიათ ფინიშის მანქანაც, ჰანსს 21.56-ე კილომეტრზე, ხოლო კრისტინას 23.3-ე კილომეტრზე.

მთელი შემოსავალი  მსოფლიო რბენიდან პირდაპირ ზურგის ტვინთან დაკავშირებულ კვლევას მოხმარდება. 5 მაისს, Wings for Life-ის მორბენლებმა 3,5 მილიონი ევრო მოაგროვეს, რითაც მთელ მსოფლიოში ზურგის ტვინის ტრავმის მქონე ადამიანებში კიდევ ერთხელ გააცოცხლეს იმედის ნაპერწკალი.

მე-7 მსოფლიო რბენა 2020 წლის 3 მაისს, კვირას გაიმართება. მეტი ინფორმაციისათვის, ეწვიეთ ვებ-გვერდს: www.wingsforlifeworldrun.com